Verkalýðsfélag Grindavíkur, Báran stéttarfélag, Verkalýðs- og sjómannafélag Sandgerðis, Drífandi og Verkalýðsfélag Suðurlands bjóða félagsmönnum sínum að sækja Dale Carnegie námskeið á einstökum kjörum.
Markmið námskeiðsins eru:
- Efla sjálfstraust til að láta til sín taka og styrkja sig í starfi
- Bæta samskiptahæfni til að byggja traust, auka samvinnu og hafa jákvæð áhrif á starfsumhverfið
- Auka tjáningarhæfni til að tjá sig af lipurð og háttvísi, líka undir álagi
- Bæta viðhorf og hæfni til að takast á við krefjandi aðstæður og álag
- Efla leiðtogafærni til að geta veitt öðrum innblástur
Hvenær: Námskeiðið hefst miðvikudaginn 14. október og stendur í 8 vikur, einu sinni í viku í 3 tíma í senn frá kl. 18-21.
Hvar: Námskeiðið fer fram í gegnum Webex þjálfunarumhverfi á netinu. Tveir þjálfarar halda námskeiðið og er annar þeirra tæknilegur aðstoðarmaður sem hjálpar þér að tengjast í hljóð og mynd.
Verð: Félagsmenn greiða aðeins kr. 13.500 en fullt verð er 169.000 og er námskeiðsgjaldið niðurgreitt af starfsmenntasjóði. ( Þeir sem skrá sig geta ekki fengið gjaldið endurgreitt nema hætt sé við með a.m.k tveggja vikna fyrirvara)
Skráning á námskeiðið fer fram hér eða í síma 555 7080. Þeir sem þess óska geta skrá sig á Live Online kynningarfund hér.
Nánari upplýsingar veitir Unnur Magnúsdóttir, unnurm@dale.is, s. 698-4130
Leave a Reply